मुंबई प्रतिनिधी :महाराष्ट्राला मोठी संत परंपरा असून त्याचा आशीर्वादाने राज्यकारभार सुरु आहे राज्यात संतांच्या केसांनाही धक्का लावण्याची हिंमत कोणी करणार नाही, असे सूचक विधान मुख्यमंत्री एकनाथ शिंदे यांनी दोन दिवसांपूर्वी केले होते. त्यांच्या या विधानावर काँग्रेसचे नेते हुसेन दलवाई यांनी आक्षेप घेतला आहे. महंत रामगिरी महाराज यांच्या विधानाचे मुख्यमंत्री एकनाथ शिंदे यांच्याकडून अप्रत्यक्ष समर्थन होत आहे का? असा प्रश्न सोलापूर येथील पत्रकार परिषदेत दलवाई यांना विचारण्यात आला होता. यावेळी दलवाई म्हणाले, महंत रामगिरी महाराजांना अटक झाली पाहीजे. उद्या कुणी रामाबद्दल बोलले तर चालेल का? असा सवालही त्यांनी उपस्थित केला.
