धामणी – कांबळवाडी ता. राधानगरी येथील कृष्णात शिवाज मांडरेकर वय ४६ हे काही दिवसांपासून घरातुन निघुन गेले होते . आज त्याचा मृतदेह तुळशी धरण येथील नर्सरी मध्ये कुजलेल्या स्वरूपात आढळून आला .
राधानगरी पोलीसांकडून मिळालेल्या माहितीनुसार तुळशी धरण नर्सरीमध्ये दिगंबर दत्तात्रय तामकर हे गुरे चारण्यासाठी गेले होते . त्यांना तेथे सांगाडा आढळून आला . त्यांनी तात्काळ राधानगरी पोलीसांशी संपर्क साधुन माहीती दिली .
राधानगरी पोलीसांनी केलेल्या तपासात तो सांगाडा कांबळवाडी येथील बेपत्ता कृष्णात शिवाजी मांडरेकर याचा असल्याची माहिती दिली . नातेवाईकांनी कपडयावरून सापडलेला सांगाडा कृष्णात मांडरेकर याचा असल्याची खात्री केली आहे . शव विच्छेदन धामोड प्रा. आ. केंद्राचे वैद्यकिय अधिकारी नरेश सिरसुलवार यांनी केले .
या प्रकरणाचा अधिक तपास राधानगरीचे पोलीस निरीक्षक एस एस गोरे ,सहाय्यक पोलीस निरीक्षक महेश घेरडीकर हे करत आहेत .
