मविआचा कोल्हापूर जिल्ह्यातील आठ विधानसभा मतदार संघाचा तिढा सुटला !!

कोल्हापूर:
कोल्हापूर विधानसभा मतदारसंघात भाजपला रोखण्यासाठी काँग्रेसने व्यूहरचना आखली आहे. यामध्ये दहा विधानसभा मतदारसंघांपैकी आठ विधानसभा मतदारसंघांचा तिढा अखेर सुटला आहे त्यात कोल्हापूर दक्षिण, कोल्हापूर उत्तर, करवीर विधानसभा व हातकणंगले विधानसभा काँग्रेसकडे, राधानगरी ,शाहूवाडी मतदारसंघ शिवसेना ठाकरे गटाकडे तर कागल आणि चंदगड विधानसभा मतदारसंघ राष्ट्रवादी शरद पवार गटाकडे गेलेला आहे.

शिरोळ व इंचलकरंजी मतदार संघ आपल्याला मिळावा यासाठी काँग्रेस व राष्ट्रवादी शरद पवार पक्षामध्ये रस्सीखेच सुरु आहे.त्या पैकी इंचलकरंजी मतदार संघ राष्ट्रवादी काँग्रेसला मिळण्याची दाट शक्यता आहे .तथापि शिवसेना या मतदारसंघासाठी हट्ट करीत आहे.मित्र पक्षासाठी हा मतदारसंघ सोडण्याबाबतही चर्चा सुरू आहे.मात्र आठ जागेचा तिढा सुटला असून उमेदवार निश्चित करण्यासाठी धामधुम सुरू आहे असे सुत्रा कडून सांगण्यात आले. विशेषता काँग्रेसचे गट नेते आ.सतेज पाटील यांची भूमिका महत्त्वाची ठरणार आहे