विभागीय कुस्ती स्पर्धेसाठी निवड..

दिंडनेर्ली : प्रतिनिधी
इस्पूर्ली (ता.करवीर)येथील जय हनुमान हायस्कूल व बा. वि.वडेर ज्यूनि. कॉलेजच्या पाच विद्यार्थ्यांची विभागीय कुस्ती स्पर्धेसाठी निवड झाली आहे. १४ वर्षे व १७ वर्षे वयोगटात या विद्यार्थ्यांनी तालुका स्तरावर व जिल्हा स्तरावरती प्रथम क्रमांक मिळवून विभागीय स्तरावरती धडक मारली आहे.

१४ वर्षे वयोगटांत देवराज सुहास पाटील याने ४८ किलो वजन गटातून प्रथम क्रमांक पटकावला आहे. आलिशा कुऱ्हाडे ५० किलो वजन गटात प्रथम क्रमांक मिळविला आहे.१७ वर्षाखालील गटात श्रुतिका शिवाजी पाटील ४९ किलो वजन गटात प्रथम तर ऋतुजा संतोष गुरव ४६ किलो वजन गटात प्रथम आली आहे.१९ वर्षाखालील कुस्ती स्पर्धेत शुभम जनार्दन पाटील ८२ किलो वजन गटात प्रथम आला आहे. या सर्व विद्यार्थ्यांना क्रीडा प्रशिक्षक राजाराम चौगले,कुस्ती कोच मानतेश पाटील, संस्था अध्यक्ष डॉ. वीरेंद्र वडेर,मुख्याध्यापक अशोक साठे, सर्व शिक्षक,शिक्षकेतर कर्मचारी,पालक यांचे मार्गदर्शन लाभले.