कोल्हापूर- शिरोळ तालुक्यातील दानोळी येथील प्रशांत मारुती राऊत (रा.शिवतेज चौक ,दानोळी) याने संतोष शांतीनाथ नाईक (रा.अंबाबाई मंदीर शेजारी,दानोळी) याच्यावर धारदार शस्त्राने त्याच्या मानेवर ,पोटावर आणि पाठीवर वार करून खून केल्याची घटना घडली आहे. हा प्रकार रविवार (दि.01) रोजी रात्री सव्वा दोनच्या सुमारास गैबी चौकातील छत्रपती शिवाजी महाराज मैदाना जवळ असलेल्या मराठा सांस्कृतिक भवन येथे घडला आहे.या घटनेची नोंद जयसिंगपूर पोलिस ठाण्यात झाली असून पोलिसांनी प्रशांत राऊत यांच्यावर खूनाचा गुन्हा नोंद केला आहे.
संतोष हा व्यवसायात लक्ष देत नसल्याच्या रागातुन आरोपी प्रशांत याने संतोष याचा धारदार शस्त्राने खून केला.याची फिर्याद मयताच्या नातेवाईकांनी जयसिंगपूर पोलिस ठाण्यात दिली.याचा तपास पोलिस निरीक्षक सत्यवान हाके हे करीत आहेत.
