रद्दी विकून कोट्यवधी रुपये कमावल्याची माहिती पंतप्रधान नरेंद्र मोदी यांनी लोकसभेत भाषणादरम्यान दिली. लोकसभेत राष्ट्रपतींच्या अभिभाषणावरील आभार प्रस्तावाच्या समर्थनार्थ पंतप्रधान नरेंद्र मोदी बोलत होते. यावेळी त्यांनी विरोधकांनाही सडेतोड उत्तर दिलं.
पंतप्रधान मोदी म्हणाले की, आमच्या स्वच्छता मोहिमेची थट्टा करण्यात आली. त्यावरुन खुप काही बोललं जात आहे. पण सरकारी कार्यालयांमधून विकल्या जाणाऱ्या रद्दीतून सरकारने २,३०० कोटी रुपये कमावले आहेत, अशी माहिती देत पंतप्रधान मोदींनी यावेळी महात्मा गांधी यांचे उदाहरण दिलं.
पंतप्रधान मोदी नेमकं काय म्हणाले?
सरकारी खरेदीमध्ये पारदर्शकता आणण्यात आली आणि JAM पोर्टलद्वारे कमी किमतीत खरेदी करण्यात आली. सरकारने १ लाख १५ कोटी रुपये वाचवले. स्वच्छता मोहिमेची अशी थट्टा करण्यात आली की जणू काही पाप झाले आहे. आज आपण समाधानाने म्हणू शकतो की, स्वच्छता मोहिमेमुळे अलिकडच्या काळात सरकारी कार्यालयांमधील फक्त कचरा विकला गेला आणि २,३०० कोटी रुपये मिळाले. महात्मा गांधी विश्वस्ततेच्या तत्त्वाकडे पाहतात. स्वच्छ भारत अभियानातून रद्दी विकून २३०० कोटी रुपये कमवले जात आहेत.
तसेच, १० वर्षांत एकही घोटाळा न झाल्याने लाखो कोटी रुपये वाचले असल्याचे मोदी यांनी म्हटलं आहे. ‘आम्ही इथेनॉल मिश्रण करण्याचा निर्णय घेतला. आपण ऊर्जेच्या बाबतीत स्वतंत्र नाही. उर्जा बाहेरुन आणावी लागते. पेट्रोल आणि डिझेलमधून मिळणारे उत्पन्न कमी झाले. या निर्णयामुळे १ लाख कोटी रुपयांचा फरक पडला आहे. हे पैसे शेतकऱ्यांच्या खिशात गेले आहेत. मी बचतीबद्दल बोलत आहे, पण पूर्वी वर्तमानपत्रांमध्ये मथळे असायचे. लाखो रुपयांच्या घोटाळ्यांना १० वर्षे झाली आहेत आणि जरी हे घोटाळे झाले नसले तरी लाखो कोटी रुपये वाचले आहेत. जो पैसा जनतेची सेवा करण्यात गुंतलेला आहे.’ असं भाषणादरम्यान पंतप्रधान मोदींनी सांगितलं.
