कोल्हापूर :* कोल्हापूर जिल्हा सहकारी दूध उत्पादक संघ (गोकुळ) च्या सार्वत्रिक निवडणुकीसाठी आज उत्साहात मतदानाला सुरुवात झाली आहे. या निवडणुकीतील अत्यंत महत्त्वाचा दुवा आणि ‘राजर्षी शाहू शेतकरी समविचारी आघाडी’चे प्रमुख,आमदार सतेज (बंटी) पाटील यांनी रविवारी सकाळी ठीक आठ वाजता गगनबावडा येथे आपल्या मतदानाचा हक्क बजावला.
आमदार सतेज पाटील यांनी गगनबावडा येथील ‘श्री भैरवनाथ दूध व्यावसायिक संस्था, मुटकेश्वर’ या संस्थेचे प्रतिनिधी (ठरावधारक) म्हणून त्यांनी मतदान केले.
दूध उत्पादक शेतकरी आणि प्राथमिक दूध संस्थांच्या हक्कांचे रक्षण करण्यासाठी तसेच ‘गोकुळ’चा पारदर्शक कारभार टिकवून ठेवण्यासाठी मतदारांचा ‘राजर्षी शाहू शेतकरी समविचारी आघाडी’ला अभूतपूर्व आणि उत्स्फूर्त प्रतिसाद मिळत असल्याचा विश्वास यावेळी व्यक्त करण्यात आला.
गोकुळचा विकास व उत्पादकांच्या हितासाठी समविचारी आघाडीच्या ‘शिट्टी’ या चिन्हासमोरील खानेमध्ये शिक्का मारून भरघोस मतांनी विजयी करण्याचे आवाहन यावेळी आघाडीच्या वतीने करण्यात आले आहे.
